KUELEKEA UCHAGUZI WA SERIKALI ZA MITAA 2024

Tarehe iliyowekwa: September 30th, 2024

WASIMAMIZI WASAIDIZI WA UCHAGUZI WATAKIWA KUZINGATIA 4R

Msimamizi wa Uchaguzi katika Manispaa ya Kinondoni, Bi. Hanifa Suleiman Hamza, amewataka Wasimamizi Wasaidizi ngazi za Kata na Mitaa kuzingatia 4R wakati wa utekelezaji wa majukumu yao.

Bi. Hanifa aliyasema hayo wakati wa Semina kwa Wasimamizi Wasaidizi iliyofanyika Septemba 30, 2024 katika ukumbi wa Sekondari ya Turiani.

Uchaguzi huo unatarajiwa kufanyika Novemba 27, 2024 ambapo Uandikishaji Wapiga Kura utaanza Oktoba 11 hadi 20, 2024.

Alisema, “Pia tuzingatie uadilifu, uzalendo, kutoa taarifa za viashiria vya uvunjifu wa amani na utunzaji wa Siri za Serikali.”

Pia, aliwaomba Wasimamizi Wasaidizi hao kuwafikia Viongozi wa Dini kwa ajili ya utoaji hamasa kwa Waumini kujitokeza kujiandikisha.

Manispaa ya Kinondoni inatarajia kuandikisha Wapiga kura zaidi ya asilimia 80 ya wakazi wake wapatao laki tisa.