KINONDONI YAUNGANA NA WANAWAKE KOTE DUNIANI KUADHIMISHA SIKU YA WANAWAKE YENYE KAULI MBIU ISEMAYO "KUELEKEA UCHUMI WA VIWANDA TUIMARISHE USAWA WA KIJINSIA NA UWEZESHAJI WA WANAWAKE VIJIJINI ".

Tarehe iliyowekwa: March 9th, 2018

 Wanawake wote wa Halmashauri ya Manispaa ya Kinondoni leo wameungana na wenzao kote duniani kusherehekea siku ya wanawake duniani yenye kauli mbiu isemayo "Kuelekea uchumi wa viwanda tuimarishe usawa wa kijinsia na uwezeshaji wa wanawake vijijini" kwa maandamano na kuonesha bidhaa zao za ujasiriamali.

 Katika maonesho hayo yaliyofanyika kimkoa ukumbi wa Mlimani city ambapo Mgeni rasmi ni Mama Janeth Magufuli yalipambwa kwa burudani za kiasili pamoja na shughuli mbalimbali za ujasiriamali zilizokuwa zikioneshwa uwanjani hapo. 

  Katika hotuba yake  Mama Magufuli ameyataka Mashirika na Sekta binafsi kote nchini kushirikiana na Serikali katika kuhakikisha mwanamke anapatiwa mafunzo, mtaji na eneo kwa ajili ya kujishughulisha kiuchumi.

 Imetolewa na
 Kitengo cha Uhusiano na Habari.
 Manispaa ya Kinondoni.