KINONDONI YATOA MAFUNZO YA KILIMO KWA BARAZA LA MADIWANI UBUNGO

Tarehe iliyowekwa: June 25th, 2018

Kituo cha mafunzo ya  kilimo Malolo kilichopo Mabwepande Manispaa ya Kinondoni, leo kimetoa mafunzo yahusuyo uendeshaji wa kilimo cha kisasa mjini unaokidhi viwango kuelekea uchumi wa Kati wa viwanda kwa Baraza la Madiwani Ubungo.

Mafunzo hayo yaliyotolewa na Afisa kilimo wa Manispaa hiyo, Ndugu Salehe Hija, yamelenga kuimarisha sekta ya kilimo cha kisasa, hususani kilimo cha kitalu nyumba kitumikacho mijini, ikiwa ni pamoja na matumizi ya eneo, aina ya uoteshaji wa mbogamboga pamoja na aina ya ufugaji wa samaki kwa njia ya kisasa.

Akishukuru kwa mafunzo hayo, kiongozi wa msafara kutoka Ubungo ambae pia ni diwani wa kata ya kibamba, Mh.  Mgawe Stanley amesema  Ubungo wako tayari kufuata nyao hizo kwa kuhakikisha sekta hii ya Kilimo inaimarishwa kuelekea uchumi wa Kati wa viwanda.

Imeandaliwa na

Kitengo cha Habari na Uhusiano

Manispaa ya Kinondoni.