KINONDONI YAPONGEZWA KWA MAANDALIZI MAZURI NANE NANE

Tarehe iliyowekwa: June 28th, 2024

Mwenyekiti  wa Kamati ya Maandalizi ya Nanenane Mkuu wa Mkoa wa Morogoro Mhe. Adam Malima ameipongeza Manispaa ya Kinondoni  kwa maandalizi mazuri yanayoendelea kwenye banda la maonesho ya sikukuu ya wakulima na wafugaji Morogoro yanayotarajiwa kuanza mwanzoni mwa mwezi wa nane mwaka huu. Pongezi hizo zimetolewa Juni 28, 2024 na  Mwenyekiti wa Kamati ya maandalizi ya maonesho hayo  akiwa katika kikao hicho cha maandalizi.

“Naipongeza sana Halmashauri ya Manispaa ya Kinondoni kwa kuwa na maandalizi mazuri kwenye banda lao na hii inaonesha wazi kuwa Kinondoni imejipanga kutoa huduma nzuri kwa Wakulima na Wafugaji watakaopata fursa ya kutembelea banda hilo,” amesema Mhe. Malima. 

Aidha, Katibu Tawala wa Mkoa wa Dar es Salaama Dkt. Toba Nguvila ameridhishwa na kasi ya maandalizi katika banda la Manispaa ya Kinondoni.