KINONDONI YAPOKEA MSAADA WA INTERACTIVE WHITE DIGITAL BOARD

Tarehe iliyowekwa: January 16th, 2024

Manispaa ya Kinondoni Januari 16, 2024 ilipokea msaada wa teknolojia ya kisasa ya kufundishia kutoka kwa Serikali ya China, teknolojia hiyo inajulikana kama Interactive White Digital Board. Hii ni teknolojia ya kisasa itakayo muwezesha mwalimu kufundisha wanafunzi wengi kwa wakati mmoja. 

Msaada huo ni matokeo ya ziara ya Mheshimiwa Songoro Mnyonge Meya wa Manispaa ya Kinondoni aliyoifanya nchini China mwaka jana.

Akipokea msaada huo Mkuu wa Wilaya ya Kinondoni Mheshimiwa Saad Mtambule ameishukuru Serikali ya China kwa msaada huo. Mheshimiwa Mtambule alisema "Msaada  huo ni chachu kwetu sisi Wanakinondoni kwani utakuwa ni mwanzo wa Manispaa ya Kinondoni kusambaza teknolojia hiyo kwa shule za Manispaa"

Naye Mstahiki Meya wa Manispaa ya Kinondoni Mheshimiwa Songoro Mnyonge ameipongeza Serikali ya China kwa uaminifu na kutimiza ahadi yao waliyoitoa kwake ya kutoa msaada huo.