KINONDONI YAIDUWAZA TEMEKE SHIMISEMITA

Tarehe iliyowekwa: October 23rd, 2023

Ushindi wa magoli 3-1 katika mechi ya mpira wa miguu walioupata leo timu ya watumishi wa Halmashauri ya Manispaa ya Kinondoni dhidi ya Temeke umekuwa mwiba mkali kwa Temeke.

Kinondoni wametupa karata yao ya tatu katika kundi A dhidi ya jirani zao Temeke na kuwashushia kipigo kilichowapeleka mkiani mwa kundi A linaongozwa na Handeni ikifuatiwa na Kinondoni.

Akiongea baada ya mchezo huo, Mwalimu Mwalupetelo wa timu ya Kinondoni amesema kuwa timu yake inazidi kuimarika na kubadilika kwa kila mechi na ameahidi kuwa mechi ya mwisho dhidi ya Handeni watafanya kila namna kupata ushindi.

"Tunahitaji kushinda mechi yetu ya mwisho Ili tuweze kuendelea na hatua inayofuata katika mashindano haya". Amesema Mwalimu Mwalupetelo.

Timu ya watumishi wa Halmashauri ya Manispaa ya Kinondoni itacheza mechi yake ya mwisho dhidi ya Handeni ambapo watahitaji kupata ushindi Ili kujihakikishia nafasi ya kusonga mbele katika mashindano hayo ya SHIMISEMITA yanayoendelea kutimua vumbi hapa jijini Dodoma.