KINONDONI YAIADHIBU KARAGWE SHIMISEMITA

Tarehe iliyowekwa: October 22nd, 2023

Timu ya mpira wa miguu ya watumishi wa Halmashauri ya Manispaa ya Kinondoni imepata ushindi wake wa kwanza katika mashindano ya SHIMISEMITA inayoendelea kutimua vumbi jijini Dodoma.

Kinondoni imepata ushindi wa goli 2-1 dhidi ya timu ya watumishi wa Wilaya ya Karagwe katika mechi iliyochezwa leo asubuhi katika viwanja vya Chuo cha St. John.

Kinondoni imefanikiwa kujikusanyia alama 3 za muhimu katika kundi A linalojumuisha timu 5 za Temeke, Karagwe, Sikonge, Handeni pamoja Kinondoni, baada ya kupoteza 4-2 dhidi ya Sikonge katika mechi ya kwanza iliyochezwa jana.

Baada ya ushindi wa mechi ya leo Mwalimu wa timu ya watumishi wa Halmashauri ya Manispaa ya Kinondoni Imani Mwalupetelo amesema kuwa kupoteza mechi ya kwanza hawakukata tamaa kwasababu waliona makosa yaliyopelekea kufungwa.

"Mechi ya kwanza tulifanya makosa kidogo na tukaadhibiwa na Sikonge lakini mechi ya leo tumejisahihisha na kupata ushindi". Ameongeza Mwalimu Mwalupetelo.