KINONDONI YAADHIMISHA SIKU YA KUZALIWA RAIS SAMIA KWA KUPANDA MITI

Tarehe iliyowekwa: January 27th, 2024

Zoezi la upandaji miti linaendelea Wilaya ya Kinondoni ambapo zaidi ya miti elfu ishirini itapandwa kwa awamu tofauti katika maeneo mbalimbali ya Wilaya hiyo.

Januari 27, 2024 katika kuadhimisha siku ya kuzaliwa kwa Rais wa Jamhuri ya Muungano wa Tanzania Dkt. Samia Suluhu Hassan, Wilaya ya Kinondoni inapanda miti elfu moja katika Kata ya Mbweni. Zoezi hilo la upandaji miti limeongozwa na Mkuu wa Wilaya hiyo Mheshimiwa Saad Mtambule.

"Kinondoni tuna kampeni ya upandaji miti kuhakikisha Kinondoni inakuwa ya kijani. Leo tuna adhimisha siku ya kuzaliwa kwa Rais wetu, Rais wa Jamhuri ya Muungano wa Tanzania kwa shughuli mbalimbali ikiwepo upandaji miti na usafi wa maeneo yetu.

Niwaombe Wananchi wezangu wa Wilaya ya Kinondoni tupande miti kwenye maeneo yetu kama tuna hiyo nafasi" alisema Mheshimiwa Mtambule.