KINONDONI MSHINDI WA PILI, MAADHIMISHO YA NANE NANE KANDA YA MASHARIKI

Tarehe iliyowekwa: August 9th, 2018

Kinondoni yashika nafasi ya pili katika maadhimisho ya 25, ya maonesho ya wakulima ,wavuvi na Wafugaji maarufu kama Nane nane, yaliyoadhimishiwa mkoani Morogoro yakihusisha Kanda ya Mashariki, huku nafasi ya kwanza ikishikwa na Temeke, na nafasi ya tatu ikienda kwa Manispaa ya Ilala.

Akifunga maonesho hayo, Waziri wa Mifugo Mh Luhaga Mpina amesema lengo la maadhimisho haya pamoja na kauli mbiu yake ni kuipa thamani sekta hii muhimu ya Kilimo, Mifugo na uvuvi ambayo ndio msingi pekee kuelekea kutekeleza sera ya uchumi wa Kati wa viwanda.

Maadhimisho hayo yaliyoenda kwa kauli mbiu isemayo "Wekeza katika kilimo, mifugo na uvuvi kwa Maendeleo ya viwanda " yakilenga kutekeleza sera ya Uchumi wa Kati wa viwanda, kwa kanda ya Kati, yameshirikisha Halmashauri za Mkoa wa Pwani, Dar es salaam, Morogoro na Tanga.

Kinondoni tunamuunga mkono Rais wa Jamuhuri ya Muungano wa Tanzania Mh Dr John Pombe Magufuli katika sera ya Uchumi wa Kati wa viwanda kwa vitendo.

Imeandaliwa na

Kitengo chá Uhusiano na Habari.

Manispaa ya Kinondoni.