KINONDONI KUWA KITOVU CHA UWEKEZAJI

Tarehe iliyowekwa: December 20th, 2023

Baraza la Biashara Wilaya ya Kinondoni limeazimia kuibadilisha Kinondoni kuwa kitovu cha uwekezaji nchini.

Maazimio hayo yalifikiwa Desemba 20,2023 wakati wa kikao cha kawaida cha Baraza hilo. Kikao hicho kilifanyika chini ya Uenyekiti wa Mkuu wa Wilaya ya Kinondoni, Mheshimiwa Saad Mtambule, katika Ukumbi wa wa Mikutano wa Manispaa ya Kinondoni.

Baraza hilo, pamoja na mambo mengine,  liliazimia kuandaa Dira ya Uwekezaji na Biashara, uwekezaji mkubwa wa fukwe za Coco na Ununio; ujenzi wa viwanja vya kisasa vya michezo na maduka makubwa.

Aidha, wajumbe walikubaliana kuwepo kwa Kituo cha Huduma za Kibiashara  na amesisitiza kuandaa eneo (One Stop Center) kitakachotoa huduma zote za kiserikali kwa wafanyabiashara na Wawekezaji.

Katika hatua nyingine, Wajumbe hao wamekubali ombi la TCCIA la kuwasikisha maandiko ya uwekezaji na utafutaji miji rafiki nje ya nchi kwa lengo la kukuza biashara.