KINGLION YAKABIDHI POLISI KINONDONI PIKIPIKI TANO

Tarehe iliyowekwa: November 22nd, 2023

Kampuni ya King Lion leo Novemba 22, 2023 imekabidhi msaada ya pikipiki tano aina ya Kinglion zenye thamani ya milioni 12.5 kwa Jeshi la Polisi Mkoa wa Kipolisi wa Kinondoni, Oysterbay.

Akipokea msaada huo, Mkuu wa Wilaya ya Kinondoni Mhe. Saad Mtambule, ameishukuru Kampuni hiyo na kusema kuwa Wilaya ya Kinondoni yenye Kata 20 inapambana usiku na mchana kutokomeza uhalifu.

Alisema, "Msaada huo unakwenda kusaidia kupambana na uhalifu kwenye Wilaya yetu."

Naye Kamanda wa Polisi Mkoa wa Kinondoni ACP Mtatiro Kitinkwi ameishukuru Kampuni hiyo na kusema kuwa majukumu yao makubwa ni kuzitunza pikipiki hizo na kwenda kupunguza kiwango cha uhalifu katika Mkoa wa Kinondoni.