Tarehe iliyowekwa: June 17th, 2023
Citi Bank imeipatia msaada wa madawati 100 na viti vya walimu 15 shule ya msingi Kijitonyama Kisiwani vyote vikiwa na thamani ya shilingi za Kitanzania 16,080,000.
Msaada huo umepokelewa leo na Mstahiki Meya wa Manispaa ya Kinondoni, Mheshimiwa Songoro Mnyonge, ambapo madawati hayo yana thamani ya shilingi za Kitanzania milioni 15 wakati viti vya walimu vina thamani ya shilingi za Kitanzania milioni moja na elfu themanini.
Mheshimiwa Mnyonge ameitaka jamii ya shule hiyo kutunza samani hizo na kuiomba Citi Bank kuendelea kutoa msaada pia kwenye sekta ya Afya.
"Wakati mwingine tunazidiwa, hivyo tunaomba muendelee kuunga mkono juhudi za Serikali katika kuboresha huduma za kijamii hususan elimu na afya," alisema Mheshimiwa Songoro.
Hafla ya upokeaji madawati hayo imefanyika shuleni hapo ambapo yatatatua changamoto ya upungufu uliokuwepo kwa asilimia 75.
2 Barabara ya Morogoro, 14883 Dar es Salaam
Anuani ya Posta: S.L.P 31902
Simu ya mezani: +255222170173
Simu ya mkononi: +255733241052
Barua pepe: md@kinondonimc.go.tz
