KAMPENI YA USAFI 'MGUU KWA MGUU KITAA' YAZINDULIWA RASMI

Tarehe iliyowekwa: March 30th, 2024

Mkuu wa Wilaya ya Kinondoni, Mheshimiwa Saad Mtambule, amezindua Kampeni ya Usafi ijulikanayo 'Mguu kwa Mguu Kitaa' ikiwa ni siku ya maadhimisho ya usafi wa mwisho wa mwezi.

Uzinduzi huo umefanyika Machi 30, 2024 katika Mtaa wa Mlalakuwa, Kata ya Makongo ambapo Kamati ya Mazingira kwa kushirikiana na Wananchi wa eneo hilo wameungana kufanya usafi katika maeneo mbalimbali ya Mtaa huo.

Mhe. Mtambule alisema, "ajenda ya usafi ni ya kila mmoja hivyo kila mtu awajibike katika eneo lake. Kila mmoja awe mlinzi wa maeneo yake kwa kufanya usafi katika siku zilizopangwa ambazo ni Jumanne na Alhamisi sambamba na kupanda miti ya vivuli na matunda."