KAMATI YA SIASA KINONDONI YATEMBELEA MIRADI YA MAENDELEO

Tarehe iliyowekwa: May 6th, 2024

Wajumbe wa Kamati ya Siasa Wilaya ya Kinondoni ikiongozwa na Mwenyekiti wa Chama cha Mapinduzi (CCM) Wilaya,  Mheshimiwa Shaweji Mkumbula, Mei 6, 2024 ilitembelea na kukagua Miradi ya maendeleo iliyopo Manispaa ya Kinondoni.

Miradi iliyotembelewa ni pamoja na Ujenzi wa Kituo Cha Afya Cha Kinondoni, Ujenzi wa Shule ya Msingi ya Richard Mgana, Ujenzi wa Shule ya Sekondari ya Changanyikeni na Songoro Mnyonge na Ujenzi wa Barabara ya Nyota Njema.

Katika kutekeleza ziara hiyo Mheshimiwa Mkumbula aliambatana na Mstahiki Meya wa Manispaa ya Kinondoni Mhe. Songoro Mnyonge, Katibu wa CCM Wilaya ya Kinondoni Mhe. Jacob Siay na Wakuu wa Idara katika Manispaa ya Kinondoni.

Kamati hiyo ya Siasa Wilaya, imepongeza kasi na ubora wa miradi inayotekelezwa.