KAMATI YA MIPANGOMIJI NA MAZINGIRA KINONDONI YAKAGUA HATUA ZILIZOFIKIWA ZA UPANGAJI MJI NA UBORESHAJI WA MAZINGIRA KATIKA KATA ZAKE.

Tarehe iliyowekwa: April 25th, 2018

Kamati ya Mipango miji na Mazingira ya Manispaa ya Kinondoni imefanya ziara kukagua hatua za utekelezaji zilizofikiwa katika zoezi zima la upangaji na uboreshaji wa Mazingira unaoendelea katika Manispaa hiyo.

Kamati hiyo chini ya Mwenyekiti wake Mh Songoro Mnyonge ambae pia ni diwani wa Kata ya Mwananyamala imefanikiwa kutembelea na kukagua zoezi la uwekaji wa anuani  za makazi, posti Kodi na daftari la makazi  katika Kata ya Hananasifu,  Kukagua zoezi la upandaji miti katika barabara ya Morogoro na ujenzi wa barabara ya Makanya yenye urefu wa km 5.1 kwa kiwango cha lami.

Kamati imebaini kwamba baadhi ya vibao vya majina ya mitaa katika eneo la Kisutu vimeng'olewa hivyo imeshauri watendaji kufuatilia suala hilo ili kubaini sababu za wananchi kung'oa vibao hivyo kwani huenda wakawa hawajaridhishwa na majina hayo.

Aidha kamati imeridhishwa na maendeleo ya ujenzi wa barabara ya Makanya na kushauri yatengwe maeneo ya kupitisha miundombinu mingine Kama Dawasco ili kuepusha usumbufu wa kubomoa miundombinu ya barabara hapo baadae

Imeandaliwa na

kitengo cha Habari na Uhusiano

Manispaa ya Kinondoni.