KAMATI YA MIGOGORO YA ARDHI KINONDONI YAMKABIDHI FIDIA YA KIWANJA BI. ANJELA

Tarehe iliyowekwa: May 23rd, 2024

Kamati ya Migogoro ya Ardhi ya Mkuu wa Wilaya imemkabidhi Bi. Anjela Mdegela fidia ya kiwanja katika eneo la Nyakasangwe Kata ya Wazo. Kamati hiyo ya ardhi iliyo chini ya Mkuu wa Wilaya ya Kinondoni Mhe. Saad Mtambule imekabidhi fidia hiyo ya kiwanja 23 Mei, 2024 kwa Bi. Anjela. Makabidhiano hayo yamefanyika mbele ya Wajumbe wa Kamati hiyo ambao walisaidia kutatua mgogoro uliokuwepo baina ya Bi. Anjela Mdegela na Bw. Godfrey Kinyaduka. Vile vile Kamati hiyo imesuluhisha changamoto mbalimbali za ardhi katika Kata ya Mwananyamala, Makongo na Wazo.