KAMATI KUU YA MAONESHO YA NANE NANE KANDA YA MASHARIKI YAKUTANA LEO.

Tarehe iliyowekwa: July 29th, 2017

Kamati kuu ya maandalizi ya maonesho ya Kilimo, mifugo na uvuvi Nane nane Kanda ya Mashariki chini ya Mwenyekiti wake Mh. Happyness Seneda ambaye pia ni Mkuu wa Wilaya ya Kisarawe imekutana leo mjini Morogoro kwa lengo la kujadiliana mwenendo mzima wa ufanikishaji wa maonesho yanayotarajiwa kuanza tarehe 01/08/2017.

 Kamati hiyo inayohusisha wakuu wa Wilaya, wakurugenzi, Maafisa Kilimo mifugo na uvuvi wa Halmashauri za Kanda ya Mashariki wamepata nafasi ya kujadiliana mstakabali mzima wa maonesho hayo yatakayoambatana na Kauli mbiu isemayo "Zalisha kwa tija mazao na bidhaa za Kilimo, mifugo na uvuvi ili kufikia Uchumi wa Kati"

 Katika hatua nyingine Kamati hiyo kuu imezipongeza Halmashauri zote zinazounda Kanda ya Mashariki  kwa maandalizi mazuri ya vipando yanayoendelea kufanyika kuelekea maonesho ya Nane nane Mkoani Morogoro. 

 Imetolewa na
 Kitengo cha Uhusiano
 Manispaa ya Kinondoni.