IMARISHENI MAHUSIANO NA MAWASILIANO - DC IRINGA

Tarehe iliyowekwa: September 4th, 2024

Mkuu wa Wilaya ya Iringa, Mheshimiwa Kheri James, amewataka watumishi wa umma kuimarisha mahusiano na mawasiliano kati yao na kwa wananchi katika kutekeleza majukumu yao.

Wito huo ulitolewa katika kikao cha uimarishaji Mahusiano baina ya Watumishi wa Umma na  Chama Cha Mapinduzi Wilaya ya Kinondoni kilichofanyika Septemba 04, 2024 katika Ukumbi wa Soko la Magomeni.

Aidha Mhe.Kheri James alisisitiza kuwa mafanikio ya utekelezaji wa miradi ya maendeleo yanategemea kwa kiasi kikubwa ushirikiano mzuri na mawasiliano  thabiti kati ya watumishi wa umma na wadau mbalimbali. Pia, alihimiza umuhimu wa kuzingatia uwazi, uwajibikaji, na uadilifu ili kuhakikisha rasilimali za umma zinatumika kwa ufanisi na kwa manufaa ya wananchi wote.

"Kwa namna muundo wa serikali  na jamii ulivyo kila mtu anaishi kwa kumtegemea mwenzake,kwa msingi huo mahusiano na Mawasiliano ni agenda ambazo  haziepukiki katika  kuleta chachu  ya  maendeleo  ndani ya jamii yetu." Mhe. Kheri alisema.

Mkutano huo ulihudhuriwa na viongozi mbalimbali wa serikali, watendaji wa umma, na wawakilishi wa jamii, ambao wote walikubaliana na wito wa Mheshimiwa Kheri James kuhusu umuhimu wa kuimarisha mawasiliano na mahusiano katika kutekeleza majukumu ya kila siku.