HOFU NA UKIMYA CHANZO CHA UKATILI KWA WATOTO

Tarehe iliyowekwa: June 16th, 2024

Hofu na ukimya imetajwa kuwa ni chanzo cha ongezeko la ukatili wa kijinsia hasa kwa Watoto ndani ya jamii. Hayo yalibainishwa Juni 16, 2024 na Mwenyekiti  kutoka SMAUJATA Wilaya ya Kinondoni, Bi. Leah Mwankundile, katika maadhimisho ya Siku ya Mtoto wa Afrika yaliyofanyika katika ukumbi wa Soko la Magomeni.

"Watoto wetu ndio tegemeo la taifa letu la kesho hivyo endapo tutawatengenezea woga na hofu ndani yao tutakuwa tunachochea ongezeko la ukatili dhidi yao," amesema Bi. Leah. Aidha Bi. Leah aliwaomba watoto hao kutoa taarifa kwa walimu wao au wazazi ili  waweze kuwa salama.