HIVI NDIVYO MANISPAA YA KINONDONI INAVYOENDELEA KUTEKELEZA, KUELEKEA MAADHIMISHO YA 25, YA NANE NANE MKOANI MOROGORO

Tarehe iliyowekwa: August 5th, 2018

Manispaa ya Kinondoni katika kutekeleza kauli mbiu ya maonesho ya wakulima, wavuvi na wafugaji inayosema "Wekeza katika kilimo, mifugo na uvuvi kwa Maendeleo ya viwanda "  imeendelea kutoa elimu, utaalam, na ujuzi katika sekta ya kilimo, mifugo na uvuvi katika kuhakikisha sera ya Uchumi wa Kati wa viwanda inatekelezeka.

Ukifika banda la Kinondoni kwa upande wa kilimo utakutana na wataalam watakaokufundisha kilimo cha mjini kitumiacho matumizi madogo ya eneo kwa kilimo cha faida chenye thamani, ulimaji mchicha lishe, kilimo cha biringanya, kilimo cha ngogwe, miembe, pilipili mbuzi, Nanaa bitruit, kabichi zambarau, kilimo cha uyoga, figiri na

Kadhalika kwa upande wa mifugo utakutana na mtaalam atakayekupatia elimu kuhusiana na utengenezaji wa malisho ya wanyama aina ya Azola na hydroponic fodder, utakutana na mtaalam atakayekuelezea matumizi sahihi ya ngozi za wanyama, ufugaji wa Ngombe chotara aina ya fresian, mbuzi aina ya Saanen, ufugaji wa kuku, Sungura, bata bukini, bata mzinga, kuku aina ya kuchi, simbilisi, Sungura na njiwa tausi.

Kwa upande wa uvuvi utakutana na mataalam atakayekupatia njia rahisi na sahihi kabisa ya kufuga samaki kitaalam na kuvua kwa faida kwa kutumia bwala la kisasa. 

Lakini pia wajasiriamali waliowezeshwa utaalam na ushauri kutoka kwa wataalam wakionesha bidhaa zao za ujasiriamali walizozitengeneza kwa mikono yao.

Ni Kinondoni pekee kuelekea kilele cha maadhimisho ya nane nane Mkoani Morogoro, katika kutekeleza kauli mbiu isemayo "Wekeza katika kilimo, mifugo na uvuvi kwa Maendeleo ya viwanda "

Imeandaliwa na

Kitengo cha Uhusiano na habari.

Manispaa ya Kinondoni.