HALMASHAURI NCHINI ZATAKIWA KUITANGAZA MIRADI KWA WANANCHI

Tarehe iliyowekwa: April 20th, 2024

Halmashauri ya Manispaa ya Kinondoni Aprili 20, 2024 imeshiriki Tamasha la kumpongeza Rais Wa Jamhuri ya Muungano wa Tanzania Mheshimiwa Dkt. Samia Suluhu Hassan kwa kazi kubwa anazozifanya katika kuliletea Taifa la Tanzania maendeleo makubwa.

Katika Tamasha hilo Waziri Mkuu wa Jamhuri ya Muungano wa Tanzania Mheshimiwa Kassim Majaliwa ambae alikuwa Mgeni rasmi amezitaka Halmashauri zote Nchini kuweka nguvu kubwa katika kuitangaza miradi mikubwa inayofanywa na Rais Dkt. Samia.

"Halmashauri ya Manispaa ya Kinondoni ni miongoni mwa Manispaa ambayo inatekeleza miradi mikubwa ambayo inafanywa na Dkt. Samia hivyo niziombe Halmashauri zote Nchini kuweka nguvu kubwa katika kutangaza miradi hiyo ili Wananchi wajue mambo makubwa yanayofanywa na Mheshimiwa Dkt. Samia Suluhu Hassan," amesema Mhe. Majaliwa.

Hongera Mhe. Rais Dkt Samia Suluhu Hassan kwa uongozi imara na madhubuti tunakupongeza na tunakutakia siha na afya njema.