HALMASHAURI KUU YA CCM WILAYA KINONDONI YAPOKEA TAARIFA YA UTEKELZAJI WA ILANI 2020/2024

Tarehe iliyowekwa: September 6th, 2024

Halmashauri Kuu ya Chama cha Mapinduzi (CCM) Wilaya ya Kinondoni imepokea taarifa ya utekelezaji wa ilani  ya chama hicho katika kipindi cha miaka minne 2010/2024.

Akiongea wakati wa  uwasilishaji wa taarifa hiyo Mkuu wa Wilaya ya Kinondoni Mheshimiwa Saad Mtambule amesema katika kipindi cha miaka minne Manispaa ya Kinondoni imepiga hatua kubwa katika utekelezaji wa ilani ya CCM kwani imefanikiwa kutekeleza miradi mbalimbali ya maendeleo ikiwepo ujenzi wa barabara kwa kiwango cha lami, zege, Changarawe na udongo kwa urefu wa Kilomita 106.959.

"Kwa kipindi cha mwaka 2020/2021 hadi mwaka 2022/2023 Kinondoni ilifanikiwa kutekeleza ujenzi wa barabara kwa urefu wa  Kilomita 40.04, Mwaka 2021/2022 Kinondoni ilitekeleza ujenzi wa barabara kwa urefu wa Kilomita 29.804, kwa mwaka 2022/2023. 

Kinondoni ilifanikiwa kutekeleza ujenzi wa barabara kwa urefu wa Kilomita 31.605 na kwa mwaka 2023/2024 ilifanikiwa kutekeleza ujenzi wa barabara kwa urefu wa Kilomita 5.51," alisema Mhe. Mtambule.