HAFLA YA UWEKAJI JIWE LA MSINGI SOKO LA BWAWANI

Tarehe iliyowekwa: August 18th, 2021

Mstahiki Meya Manispaa ya Kinondoni Mhe. Songoro Mnyonge leo ameweka jiwe la msingi katika soko la Bwawani lililopo Kata ya Mwananyamala.

Akiweka jiwe hilo la msingi Meya Songoro amesema Serikali ya Jamuhuri ya Muungano wa Tanzania chini ya Mhe. Samia Suluhu Hassan iko mstari wa mbele kuhakikisha wananchi wanapatiwa fursa za maeneo kwa ajili ya biashara ili waweze kujikwamua kiuchumi kwani ndio msingi endelevu wa ongezeko la kipato ngazi ya familia na Taifa kwa ujumla.

"Serikali ipo kwa ajili ya wananchi na hili soko la Bwawani ni kwaajili yenu wananchi, bidhaa zote zinapatikana hapa, hivyo mnakaribishwa kupata mahitaji yenu muhimu hapa, lakini pia mkinunua bidhaa mnawaunga mkono wafanyabishara wenzenu walioko hapa" Amesema Songoro.

Hafla hiyo imehudhuriwa  pia na Mkurugenzi wa Manispaa ya Kinondoni Bi.Khanifa Suleiman Hamza, wafanyabiashara wa Soko la Bwawani  pamoja na Wakuu wa Idara na Vitengo.

Imeandaliwa na

Kitengo Cha Habari na Uhusiano.

Manispaa ya Kinondoni.