FURSA YA UONGOZI KWA WANAWAKE

Tarehe iliyowekwa: October 27th, 2023

Halmashauri ya Manispaa ya Kinondoni kwa kushirikiana na UNWOMEN wamekutana na viongozi wa dini na Maafisa Ustawi wa Jamii leo Oktoba 27, 2023 ili kujadili namna gani ya kuwaibua na kuwahamasisha wanawake kujikita katika nafasi za kiuongozi na kuchangamkia fursa za kiuchumi.

Akiongea katika kikao hicho Mkuu wa Wilaya ya Kinondoni Mhe. Saad Mtambule amewataka wanawake wa Manispaa ya Kinondoni kujiamini katika kuwania nafasi za kiuongozi na fursa za kiuchumi.

"Niwaombe viongozi wa dini kuendelea kutoa elimu na hamasa kwa wanawake hasa wanapokuwa kwenye nyumba zao za ibada kwani kufanya hivyo itachangia kwa kiasi kuongeza nafasi za uongozi kwa wanawake",  amesema Mhe. Mtambule.