FANYENI KAZI KWA UAMINIFU

Tarehe iliyowekwa: August 12th, 2022

Mkurugenzi Manispaa ya Kinondoni, Bi. Hanifa Suleiman Hamza, amewataka Watendaji Kata na Mitaa wa Manispaa hiyo kufanya kazi kwa uaminifu.

Mkurugenzi ameyasema hayo katika kikao kazi cha watendaji wa Kata na Mitaa wote kilichofanyika katika ukumbi wa Shule Sekondari ya Turiani.

Amehimiza Watendaji kuzingatia maadili ya kazi na uaminifu katika kazi, kusimamia miradi ya maendeleo, kuhakisha wafanyabiashara kwenye   Kata na Mitaa wanalipia leseni zao, kusikiliza na kutatua kero za Wananchi ambao ni wateja wetu. 

Mkurugenzi pia amesisitiza kuendelea kuhamasisha na kutoa elimu kwa Wananchi kuhusu Sensa ya Watu na Makazi kushirikiana katika kazi na haswa kwenye utoaji wa vibali vya ujenzi na kusimamia maeneo ya wazi yasivamiwe.

Aidha, Mkurugenzi amewataka viongozi hao kutoa ushirikiano katika kutambua maeneo ya maegesho kwa kuwa chanzo cha ukusanyaji wa maegesho kimerudi kwenye Manispaa.

Kikao hicho kimehudhuriwa na Watendaji wa Kata 20 na Watendaji wa Mitaa 106.

Imeandaliwa na 

Kitengo Cha Mawasiliano Serikalini.

Manispaa ya Kinondoni.