ELIMU YA LISHE NI ENDELEVU

Tarehe iliyowekwa: October 7th, 2023

Halmashauri  ya Manispaa ya Kinondoni kupitia Divisheni ya Huduma za Afya, Ustawi wa Jamii na Lishe imetoa mafunzo na ushauri wa lishe sambamba na huduma jumuishi za afya ikiwemo upimaji wa presha, upimaji wa kisukari, upimaji wa hali ya lishe kwa watoto chini ya miaka 10 pamoja na kuwapa dawa za vitamini C na uchangiaji damu.

Mafunzo hayo yamefanyika katika Kata ya Mikocheni Oktoba 7,2023.

Katika mafunzo hayo msimamizi wa magonjwa yasiyoambukiza kutoka Manispaa ya Kinondoni Dkt.Omary Mwangaza amewataka wananchi kuzingatia  makundi matano ya chakula ili kuepukana na magonjwa yasiyoambukiza.

Aidha Dkt. Mwangaza amewashauri wananchi kupima afya zao ili kujua namba za wagonjwa hasa kwa magonjwa yasiyoambukiza kwani magonjwa hayo yamekua ndio chanzo cha vifo vya mapema.