e-Board KURAHISISHA MAWASILIANO KWA MADIWANI

Tarehe iliyowekwa: December 4th, 2023

Imeelezwa kuwa Mfumo wa Mawasiliano wa e-Board utarahisisha mawasiliano na utunzaji wa nyaraka muhimu za vikao vya Madiwani.

Hayo yameelezwa leo Desemba 4, 2023 na Mstahik Meya wa Manispaa ya Kinondoni, Mheshimiwa Songoro Mnyonge, wakati akifungua mafunzo ya mfumo wa TEHAMA (e-Board) kwa Madiwani wa Manispaa ya Kinondoni. 

Alisema, "mafunzo haya yatarahisisha mawasiliano, kupunguza gharama za karatasi, kuokoa muda na taarifa mbalimbali kuwafikia haraka."

Mfumo huu wa kidigitali unawezesha sekretarieti kuandaa yatokanayo kwenye kikao, wajumbe kupiga kura na kuwawezesha wajumbe wa menejimenti kutengeneza ripoti za utendaji kazi katika vipindi mbalimbali vya mwaka.

Aidha, Afisa TEHAMA Bw. Jones Njelekela ameongeza kuwa, mafunzo haya yatarahisisha mawasiliano baina ya Madiwani,  itapunguza gharama, itaokoa muda sambamba na kubadilishana taarifa zitakazotakiwa kuwafikia kwa wakati.