DIWANI MAKONGO AKABIDHI SAMANI SEKONDARI

Tarehe iliyowekwa: April 9th, 2024

Diwani wa Kata ya Makongo Mheshimiwa,  Joseph Rwegasira, ameikabidhi Shule ya Sekondari Makongo Juu viti 100 na meza 100 ikiwa ni kuboresha mazingira ya kujifunzia kwa wanafunzi.

Akizungumza katika zoezi la ugawaji wa madawati hayo Aprili 9, 2024, Mheshimiwa Rwegasira aliishukuru Serikali kwa kutatua changamoto ya miundombinu katika shule hiyo. Alisema, "Tunaishuru Serikali kwa kutoa fedha hizi ili watoto wetu wasome katika mazingira mazuri. Naona fahari kunufaika na mgao huu kwenye Kata yangu na tuna ahidi kuyatunza kwa ajili ya vizazi vijavyo."

Mkuu wa shule hiyo, Bi. Geraldine Mwanisenga, alieleza kuwa, madawati hayo yatatatua changamoto kubwa ya msongamano katika madarasa jambo ambalo limekua likichangia pia ufaulu mdogo.

Alisema, "tunashukuru kwa samani hizi ambazo zitapunguza changamoto nyingi sana kwa shule yetu." Aidha  wito ulitolewa wa kuimarisha ulinzi katika maeneo ya shule na udhibiti wa utovu wa nidhamu kwa baadhi ya wanafunzi wa shule hiyo.