DC MTAMBULE AONGOZA ZOEZI LA USAFI KINONDONI

Tarehe iliyowekwa: January 23rd, 2024

Mkuu wa Wilaya ya Kinondoni Mhe. Saad Mtambule aongoza zoezi la usafi katika maeneo ya Manispaa ya Kinondoni.

Zoezi hilo limefanyika Januari 23, 2024 ikiwa ni kuunga mkono tamko la Mkuu wa Mkoa wa Dar es Salaam Mhe. Albert Chalamila kuwa tarehe 23 hadi 24 Januari, 2024 ni siku ya usafi katika Wilaya zote za Mkoa wa Dar es Salaam.

Usafi huo umefanyika katika maeneo mbalimbali ikiwepo masokoni, kwenye mitaro yote, fukwe na kwenye mitaa yote ya Halmashauri ya Manispaa ya Kinondoni.

"Kama Manispaa ya Kinondoni tutaendelea na zoezi hili la usafi hadi siku ya Jumamosi ili kuweka mazingira yetu safi na salama dhidi ya magonjwa ya mlipuko hasa kipindupindu, hivyo nichukue fursa hii kuwaomba wananchi wote wa Wilaya ya Kinondoni kufanya usafi kwenye maeneo yao kila siku na kutotupa taka hovyo," amesema Mhe. Mtambule.