DC MTAMBULE AMEMALIZA MIGOGORO ILIYODUMU ZAIDI YA MIAKA 12

Tarehe iliyowekwa: September 13th, 2024

Mkuu wa Wilaya ya Kinondoni Mheshimiwa Saad Mtambule amemaliza migogoro miwiili katika Kata ya Mabwepande na Nyakasangwe iliyodumu kwa zaidi ya miaka 12.

Zoezi la umalizaji wa migogoro hiyo limefanyika Septemba 13, 2024 alipofanya ziara katika Kata ya Mbweni, Mabwepande na Nyakasangwe.

Miongoni mwa alioambatana nao katika ziara hiyo ni pamoja na Kamishna Msaidizi wa Ardhi Mkoa wa Dar es Salaam Bwn. Shukrani Kyando, Wataalamu kutoka Ofisi ya Mkuu wa Wilaya ya Kinondoni na Wataalamu kutoka Ofisi ya Mkurugenzi wa Manispaa ya Kinondoni.