DC KINONDONI ATOA SIKU 21 KWA WAKALA WA BARABARA MIJINI NA VIJIJINI (TARURA) KUANZA MATENGENEZO YA KM 1 KATI YA KM 3.45 ZA UREFU WA BARABARA YA AFRICANA KINZUDI ILIYOHARIBIWA NA MVUA ZINAZOENDELEA KUNYESHA

Tarehe iliyowekwa: January 11th, 2018

Mkuu wa Wilaya ya Kinondoni Mh Alli Hapi ametoa siku ishirini na moja (21), kwa wakala wa barabara Mijini na Vijijini (TARURA) kuanza matengenezo ya urefu wa Km 1 kati ya Km 3.45 za urefu wa barabara ya African  Kinzudi iliyoharibiwa na mvua zinazoendelea kunyesha. 

 Amelitoa agizo hilo leo alipokuwa katika ziara yake ya ukaguzi wa barabara ambapo alifanikiwa kutembelea barabara hiyo ya Africana Kinzudi na kujionea hali halisi ya uharibifu uliotokea na kusababisha adha kubwa kwa wananchi hasa waenda kwa miguu. 

 Amesema kiwango cha maji kinachoshuka kwenye barabara hiyo ni cubic meter 11 kwa sekunde ,hivyo ni maji mengi ikilinganishwa na uwezo wa barabara wenyewe kuhimili kiwango hicho.

 "Nimejionea mwenyewe namna gani maji yanavyoshuka kutoka kule juu yanavyosababisha uharibifu mkubwa wa barabara na wananchi wangu wanavyopata shida, ........nataka niwahakikishie wananchi wangu wote ambao wanakumbwa na adha ya barabara hii ndani ya wiki tatu kutoka hivi sasa tutaanza kutengeneza km moja ya barabara hii...... na kazi hii itafanywa na wakala wa barabara za mijini na vijijjini TARURA." Ameagiza Hapi. 

 Katika hatua nyingine ametoa siku 14 kwa wananchi walioingia katika hifadhi ya barabara kubomoa mara moja majengo yao kupisha matengenezo ya barabara hiyo yanayotarajia kuanza mapema. 

 Imetolewa na
 Kitengo cha Habari na Uhusiano Manispaa ya Kinondoni