DC KINONDONI ASISITIZA SHERIA KATIKA MICHEZO YA KUBAHATISHA

Tarehe iliyowekwa: October 3rd, 2024

Mkuu wa Wilaya ya Kinondoni Mheshimiwa Saad Mtambule ameitaka Bodi ya Michezo ya kubahatisha kusimamia Sheria za Michezo ya Kubahatisha.

Mheshimiwa Mtambule aliyasema  hayo Oktoba 3, 2024 katika Semina kwa Wajumbe wa Kamati ya Ulinzi iliyofanyika katika Ofisi ya Mkuu wa Wilaya ya Kinondoni  yenye lengo la kutoa elimu kuhusiana na michezo hiyo.

Mhe. Mtambule alisisitiza kutekelezwa Kwa  Sheria za Michezo hiyo kwa kuhakikisha mashine zinasajiliwa na kupata leseni.

Aliagiza kuondolewa haraka kwa mashine katika maeneo yasiyo na kibali kabla ya kuchukuliwa hatua.

Pia, alisisitiza kufanyika kwa uratibu, usimamiaji, ufuatiliaji na ukaguzi wa michezo hiyo mara kwa mara ili kuhakiksha michezo inafuata taratibu na kuendelea kuongeza mapato katika Wilaya yetu.