DC GONDWE: ASISITIZA MAAGIZO YA RC AMOS MAKALLA KUFANYIWA KAZI

Tarehe iliyowekwa: August 10th, 2022

Mkuu wa Wilaya ya Kinondoni, Mhe. Godwin Gondwe, amewataka Watendaji wa Kata, Mitaa na Wenyeviti wa Mitaa kuhakikisha wanayafanyia kazi maagizo ya Mkuu wa Mkoa Mhe. Amos Makalla kikamilifu.

DC Gondwe amesema, "Hakikisheni mnaendelea kusimamia swala la usafi katika mitaa yenu, swala la safisha pendezesha Dar es Salaam ni endelevu, mshirikiane na wananchi wa mitaa yenu kufanya usafi, kuwapanga Wamachinga katika maeneo yanayostahili, Sensa ya Watu na Makazi ni zoezi la kitaifa ni vyena swala hili likapewa kipaumbele na Wananchi wapate uelewa na kuwa tayari kuhesabiwa tarehe 23/08/2022.

Amehimiza maagizo hayo kuhakisha yanatekelezwa kikamilifu kwa Viongozi hao wa Kata na Mitaa, leo katika kikao kazi kilchofanyika ukumbi wa Shule ya Sekondari Turiani.

Hata hivyo Mhe.Gondwe amewapatia barua kila mmoja yenye maagizo hayo ya Mkuu wa Mkoa na kuwasisitiza kuwa kupitia maagizo ya Mkuu wa Mkoa kila mmoja ahakikishe anatekeleza majukumu hayo kwa wakati na kusikiliza kero za Wananchi na kuzitatua.

Pamoja na maagizo hayo, Mhe. Gondwe amewatakia utendaji na utekelezaji bora wa maagizo hayo ya Mkuu wa Mkoa. 

Imeandaliwa na:

Kitengo Cha Mawasiliano Serikalini.

Manispaa ya Kinondoni.