"CHUKUENI TAHADHARI DHIDI YA MVUA" - M.D KINONDONI

Tarehe iliyowekwa: April 26th, 2024

Mkurugenzi wa Halmashauri ya Manispaa ya Kinondoni, Bi. Hanifa Suleiman Hamza, amewataka wakazi wa Kinondoni waliopo kwenye maeneo hatarishi kuchukua tahadhari dhidi ya mvua zinazoendelea kunyesha.

Rai hiyo aliitoa leo April 26, 2024 wakati alipotembelea maeneo yote yaliyokumbwa na maji sambamba na kutoa pole kwa wahanga wa maeneo hayo.

Alisema, "Poleni sana kwa majanga haya. Lakini nawaomba sana muendelee kuchukua tahadhari pindi mnapoona mvua imezidi ili kuepuka kutokea kwa madhara makubwa."

Kadhalika, Mkurugenzi Hanifa aliwataka Wenyeviti wa Mitaa kuendelea kuwapa elimu na kuwahamasisha Wananchi kuchukua tahadhari kwenye maeneo yao ikiwemo wazazi kuwa makini kwa watoto wao katika kipindi hiki.