BILIONI 18 KUJENGA DARAJA MBWENI MPIJI

Tarehe iliyowekwa: November 8th, 2023

Kamati elekezi ya usimamizi wa maafa kutoka Wilaya ya Kinondoni ikiongozwa na Mwenyekiti wa Kamati Mhe. Saad Mtambule amefanya ziara katika ujenzi wa daraja la mto Mpiji lenye thamani ya Shilingi billioni 18.

Akiongea katika ziara, Mhe. Mtambule amesema ujenzi wa daraja linalounganisha eneo la Mbweni Mpiji na Mtaa wa Kiembeni litasaidia kwa kiasi kikubwa uendeshwaji wa shughuli za kimaendeleo ndani ya Wilaya yetu na taifa kwa ujumla.

Aidha, Mkuu wa Wilaya amewasisitiza Wananchi wa eneo hilo kuwa walinzi wa miundombinu ya daraja hilo pindi litakapokamilika kwani fedha zote za ujenzi huo ambazo zimetolewa na Mhe. Rais Dkt. Samia Suluhu Hassan hivyo ni wajibu kuvilinda kwa manufaa yao.

"Mhe. Rais Dkt. Samia Suluhu Hassan ametupatia bilioni 18 kwa ajili ya ujenzi wa daraja hili, hivyo ni wajibu wetu kuilinda miundombinu ya daraja hilo dhidi ya waharifu wote wenye nia ovu ya kuteketeza miundombinu ya Serikali na sisi hatutasita kuwachukulia hatua kali dhidi yao," amesema Mhe. Mtambule.