BILA USHIRIKIANO MAMBO HAYAENDI - MHE CHALAMILA

Tarehe iliyowekwa: January 15th, 2024

Mkuu wa Mkoa wa Dar es Salaam Mheshimiwa Albert Chalamila Januari 15, 2024 amekutana na Wakuu wa Wilaya za Mkoa wa Dar es Salaam, Makatibu Tawala, Wakurugenzi, Watendaji wa Kata na Mitaa pamoja na Wadau mbalimbali kuhusu tahadhari dhidi ya magonjwa ya mlipuko kama vile kipindupindu na namna ya kuepuka.

Katika kikao hicho Mganga mkuu wa Mkoa wa Dar es Salaam Dkt. Mohamed Mang'una aliyabainisha maeneo katika kila Wilaya ambayo takwimu zinaonyesha ni maeneo yenye hatari zaidi ya kukumbwa na magonjwa ya mlipuko. Sambamba na hilo alielezea hatua ambazo zimefanyika na zinaendelea kufanyika.

Akizungumza katika kikao hicho Mheshimiwa Chalamila ameagiza kasi ya usafi iongezeke na kuwe na usafi endelevu kwa Wilaya zote sambamba na ushirikiano. Alitoa mfano wapo wadau mbalimbali ambao wapo tayari kushirikiana na Serikali katika mapambano dhidi ya magonjwa ya mlipuko.

Mheshimiwa Chalamila alisema "tayari wadau kama Clouds, CRDB BANK, Wasafi, Mheshimiwa Ummy Mwalimu Waziri wa Afya wapo tayari kuchangia na kuhamasisha usafi katika Jiji la Dar es Salaam.