BIASHARA YA VYAKULA IZINGATIE USAFI - M.D KINONDONI

Tarehe iliyowekwa: April 27th, 2024

Kutokana na mvua zinazoendelea kunyesha hivi sasa Mkurugenzi wa Halmashauri ya Manispaa ya Kinondoni Bi. Hanifa Suleiman Hamza amewataka Mama na Baba lishe kuzingatia usafi wakati wa uandaaji wa vyakula vyao sambamba na kufanya usafi kwenye maeneo ya biashara zao ili kuepuka magonjwa ya mlipuko kama kipindupindu.

Mkurugenzi Bi. Hanifa Suleiman ametoa rai hiyo Aprili 27,2024 wakati alipotembelea waathirika wa mafuriko katika Kata ya Kigogo.

"Hatukatazi watu wasifanye biashara, tunachoitaji sisi ni usafi, biashara zifanyike katika mazingira safi na salama ili tuepuke magonjwa ya mlipuko hasa kipindi hiki cha mvua zinazoendelea kunyesha," alisema Bi. Hanifa.