BARAZA LA MADIWANI LAMPONGEZA AFISA ELIMU MSINGI

Tarehe iliyowekwa: February 20th, 2024

Baraza la Madiwani la Halmashauri ya Manispaa ya Kinondoni limpongeza Afisa Elimu Msingi, Mwl. Theresia Kyara kwa kuinua kiwango cha ufaulu.

Pongezi hizo zimeenda sambamba na zawadi kwa Mwl. Kyara iliyotolewa Februari 20, 2024 katika Kikao cha Baraza hilo. Mstahiki Meya, Mhe Songoro Mnyonge, alisema kuwa, "Nipende kumpongeza Afisa Elimu Msingi, Bi Theresia Kyara,  kwa niaba ya Madiwani kwa jitihada na utendaji kazi mzuri unaoleta matokeo chanya katika idara yake."

Mwl. Kyara, akishukuru, alisema kuwa pongezi hizo zitaongeza chachu ya utendaji kazi na kuendelea kuleta matokeo mazuri katika Manispaa ya Kinondoni.

Aidha Mstahiki Meya alimpongeza, Afisa Elimu Sekondari, Mw. Mounding Nyamhanga, kwa jitihada zake za kusimamia miradi ya Elimu.