BANDA LA KINONDONI MAONESHO YA NANE NANE, LATEMBELEWA NA BALOZI SEIF ALLI IDD

Tarehe iliyowekwa: August 8th, 2018

Banda la Manispaa ya Kinondoni lililoko katika viwanja vya Tungi, Mkoani Morogoro leo limetembelewa na makamu wa pili wa Rais wa Serikali ya mapinduzi ya Zanzibar Balozi Seif Ali Idd kwa lengo la kuangalia utekelezaji wa kauli mbiu ya maonesho ya 25,  ya Nane nane mwaka  2018, isemayo "Wekeza katika kilimo, mifugo na uvuvi kwa Maendeleo ya viwanda "

Katika ziara hiyo aliyoambatana na viongozi wa vyama na Serikali, Balozi Seif alipokelewa na Mkurugenzi wa Manispaa hiyo Ndg Aron Kagurumjuli na kupatiwa tarifa fupi ihusuyo maonesho hayo kwa Manispaa ya Kinondoni, na baadae kuzungumnza na wajasiriamali kadhalika na kutembelea vipando vya kilimo, kutembelea wakulima na Wafugaji.

Balozi Seif alifurahishwa na jinsi ambavyo Kinondoni imetekeleza kwa vitendo na kuonesha mnyororo wa thamani katika kuhakikisha pembejeo bora za kilimo, mifugo na uvuvi zinatumiwa kwa Maendeleo ya viwanda.

Imeandaliwa na

Kitengo cha Uhusiano na Habari

Manispaa ya Kinondoni.