AWAMU YA SITA YATATUA CHANGAMOTO SEKTA YA AFYA KATA YA KINONDONI

Tarehe iliyowekwa: February 21st, 2024

Mbunge wa  Jimbo la Kinondoni, Mheshimiwa Abbas Tarimba, amepongeza juhudi za Serikali ya Awamu ya Sita zinazofanywa chini ya uongozi wa Rais wa Jamhuri ya Muungano wa Tanzania Dkt. Samia Suluhu Hassan katika utatuzi wa changamoto za Sekta ya Afya Kata ya Kinondoni.

Mheshimiwa Tarimba  aliyasema hayo Februari 21, 2024 alipotembelea Jengo la kisasa la Mama na Mtoto, Sehemu ya Upasuaji na Wodi ya Wazazi iliyopo katika Kituo cha Afya cha Kata ya Kinondoni, Dar es Salaam.

Katika kutoa pongezi hizo Mhe.Tarimba alisema "Tunamshukuru Rais Samia kuibadilisha Kinondoni, kuwa Kinondoni ile inayotarajiwa."

Mojawapo ya juhudi ziliizofanywa kutatua changamoto katika Kata ya Kinondoni  ni pamoja na changamoto za miundombinu kwa ujenzi wa Barabara, ujenzi wa shule ya Sekondari ya kisasa pamoja na ujenzi wa Vituo vya Afya.

Ukamilishwaji wa Mradi wa kisasa wa Jengo la Mama na Mtoto Sehemu  ya Upasuaji pamoja na Wazazi unatarajiwa kutatua changamoto kubwa ya wananchi kwenda kupata huduma za kiafya  katika kituo cha afya Mwanyamala.