ACHANENI NA MIKOPO KAUSHA DAMU - DC MTAMBULE

Tarehe iliyowekwa: November 21st, 2023

Mkuu wa Wilaya ya Kinondoni Mhe. Saad Mtambule amewataka wanawake wajasiriamali kuachana na mikopo kausha damu.

 "Tusiendelee kwenda kuchukua mikopo ile asubuhi unakopa laki mbili jioni unatakiwa kurudisha laki tano".

Ameyasema hayo Novemba 21, 2023 wakati wa ufunguzi wa Majukwaa ya Uwezeshaji Wanawake kiuchumi ngazi ya Mitaa yanayoendelea katika viwanja vya Biafra. Alisema, "tusiendelee kuchukua mikopo ile ambayo asubuhi unakopa laki mbili, jioni unarudisha laki tano.

Ameongeza kuwa, "Dkt. Samia Suluhu Hassan, Rais wa Jamhuri ya Muungano wa Tanzania, anawapenda sana na ndiyo maana ameendelea kutoa pesa kwa ajili ya mikopo ya asilimia kumi, kazi yetu sasa kuchangamkia fursa."