KUPATA LESENI ZA VILEO KWA AJILI YA BIASHARA

Biashara ya vileo inatekelezwa kwa kufuata Sheria ya mwaka 1968, kifungu 28 (Liquor licence act No.28 of 1968) na marekebisho ya Sheria hiyo yaliyofanywa 2004

UTARATIBU WA UPATIKANAJI WA LESENI ZA VILEO:

Maombi yote mapya ya leseni za vileo ni lazima yapitishwe na wataalam ambao wameainishwa kwenye fomu ya maombi, (Afisa Afya, Afisa Ardhi, Afisa Biashara, Polisi na Maendeleo ya Kata  husika

Maombi yote yanayorudiwa (Renewal) yapitishwe na Mwenyekiti  wa Kamati ya maendeleo Kata na yawasilishwe kwa Afisa Biashara anayeshughulikia leseni za vileo kwa utekelezaji.

 Leseni za villeo hutolewa vipindi viwili (2) ambayo kipindi cha kwanza huanzia tarehe 01/04 hadi 31/09 na kipindi  cha pili huanzia tarehe 01/10 hadi 31/03.

ADA:

Maombi mapya na yanayorudishwa hulipiwa ada kama ifuatavyo: -

•   Tsh.40,000 kwa wale wanaonywesha pombe katika maeneo yao ya biashara (Retailers on) kwa kipindi kimoja.
•    Wale ambao hawanyweshi pombe katika maeneo yao (Retailers off) wanalipia jumla 30,000/= kwa kipindi kimoja.
•    Vile vile wanaouza au kufanya biashara ya vileo kwa jumla (WHOLESALLERS) wanalipia jumla ya Tsh.20,000 kwa kipindi kimoja.
•    Pombe za kienyeji hulipiwa ada Tsh.12, 000 kila kipindi.
•   Members club Tsh.60,000 kwa kipindi (Kwa waliosajiliwa club members).

 Aidha wanaoendesha biashara ya vileo bila kufuata taratibu zilizotajwa hapo juu huchukuliwa hatua za kisheria ikiwa ni pamoja na kupelekwa Mahakamani, kulipishwa faini pamoja na adhabu "penalty" au kufungiwa biashara zao.