WASIMAMIZI WA UCHAGUZI S/MITAA WAPEWA MAFUNZO

Tarehe iliyowekwa: November 23rd, 2024

Kuelekea Uchaguzi wa Serikali za Mitaa Mwezi Novemba tarehe 27, 2024 Halmashauri ya Manispaa ya Kinondoni imetoa mafunzo kwa Wasimamizi wa Uchaguzi.

Katika mafunzo hayo yaliyotolewa Novemba 22, 2024 katika ukumbi wa Soko la Magomen  Wasimammizi wamekumbushwa kuzingatia sheria, kanuni na miongozo mbalimbali katika kufanikisha zoezi zima la kuwachagua viongozi wa Serikali za Mitaa.

Akiongea katika mafunzo hayo Mkurugenzi wa Manispaa ya Kinondoni Bi Hanifa Suleiman Hamza amesema ili zoezi la uchaguzi lifanikiwe vizuri lazima Msimamizi ufuate  miongozo mbalimbali ya uchaguzi iliwekwa kikanuni na kisheria.

"Sheria na kanuni zimewekwa kwa lengo mahususi ili kufanikisha zoezi zima la kuwachagua viongozi wa Serikali za Mitaa hivyo tunapaswa kuizingatia kama zinavyotutaka," alisema Bi. Hanifa.

"Ewe Mwananchi jitokeze kupiga kura tarehe 27, Novemba 2024, kwa maendeleo ya Mtaa wako na Taifa kwa ujumla"