SOKO LA BWAWANI

Start Date: 2019-09-16

End Date: 2021-04-25

Soko la Bwawani ni mradi ambao umetekelezwa katika Manispaa ya Kinondoni kupitia mradi wa uboreshaji miundombinu katika Jiji la Dar es Salaam (DMDP) kwa (Package 6) kwa gharama ya fedha za kitanzania shilingi bilioni 1.

Miundombinu ya soko hili itawezesha mazingira bora ya biashara hasa kwa makundi ya wanawake na vijana kwa pamoja ili wajikwamue kiuchumi, kujiongeza kipato na kupunguza tatizo la ajira hasa kwa vijana na kina mama kwa kuwarasimisha wajasiriamali hawa wadogo ambao wengi hawako rasmi kwa kukosa sehemu za kufanyia kazi.

Soko hili la kimkakati litatoa fursa kufanya biashara katika mazingira salama na rasmi sambamba na kuwezesha ukusanyaji wa mapato kwa Manispaa na Serikali kwa ujumla

Pamoja na kuleta tija kwa wananchi kupitia maboresho ya huduma, pia uwepo wa soko hili umepelekea fursa kadhaa za moja kwa moja wananchi kama ifuatavyo:-

1. Fursa za urasimishaji kwa wafanyabiashara
2. Ajira na kujiajiri
3. Fursa za usafirishaji mizigo na abiria
4. Fursa za elimu ya biashara