DC KINONDONI AZINDUA CHOO CHENYE MATUNDU KUMI NA MBILI SOKO LA BUNJU.

Tarehe iliyowekwa: September 28th, 2017

 Mkuu wa Wilaya ya Kinondoni Mh Ali Hapi amezindua choo chenye matundu kumi na mbili kilichojengwa na Manispaa katika soko la Bunju.

 Uzinduzi huo umefanyika leo akiwa katika ziara yake ya kutembelea masoko, kusikiliza kero na kutatua changamoto. 

 Amesema choo hiki ni sehemu ya utekelezaji wa maagizo ya Mh Rais wa Jamuhuri ya Muungano wa Tanzania Dr. John Pombe Magufuli la kuhakikisha miundombinu ya muhimu katika masoko yanaboreshwa ili wafanyabiashara wawe katika Mazingira mazuri na salama. 

 Ameongeza kuwa kuwepo kwa choo katika eneo la Masoko ni lazima kwani litasaidia kuondokana na magonjwa ya mlipuko.

 Akitoa taarifa ya choo hiko Afisa Masoko wa Manispaa hiyo Bw. Zahoro Hanuna amesema choo hiki kinamatundu saba na bafu upande wa wanawake, na matundu manne na bafu sehemu ya wanaume. 

 Ameongeza kuwa choo hicho pamoja na kutoa huduma, pia ni chanzo cha mapato cha Halmashauri ambapo fedha zitakapokusanywa zitaendelea kuboresha Mazingira ya soko hilo. 

 Imetolewa na
 Kitengo cha Uhusiano
 Manispaa ya Kinondoni.