KINONDONI YAFANYA UCHAGUZI WA NAIBU MEYA PAMOJA NA KUMUAPISHA DIWANI MPYA WA KATA YA MBWENI

Posted on: December 14th, 2017

 Manispaa ya Kinondoni imefanya uchaguzi wa Naibu Meya ambapo Mh Manyama Mangalu (Diwani Kata ya Kigogo),aliyekuwa Naibu Meya hapo awali ameendelea kushika nafasi hiyo kwa mara nyingine.

 Uchaguzi huo umefanyika leo kwenye ukumbi wa mikutano wa Manispaa na kuhudhuriwa na Baraza la Madiwani la Manispaa, Katibu tawala wa Wilaya ya Kinondoni Bi. Gifti Isaya, Mkurugenzi wa Manispaa hiyo Ndg Aron Kagurumjuli pamoja na wakuu wa idara na vitengo.

 Akizungumza baada ya uchaguzi huo Mh Mangalu amesema amefarijika kuona imani kubwa walionayo Madiwani wenzie juu yake na ameahidi kutumikia nafasi hiyo kwa weledi mkubwa. 

 Aidha katika kikao hiko pia ameapishwa diwani wa Kata ya mbweni Mh Hashim Mbunguli Mbonde alieshinda uchaguzi uliofanyika tarehe 26/11/2017.

 Imetolewa na
 Kitengo Cha habari na Uhusiano
 Manispaa ya Kinondoni.